Historia e krepës
Krepat
Fjala krepë vjen nga frengjishtja dhe qëndron për petët e tiganit dhe ndërsa në latinisht njihet si “përdredhje”. Krepat e kanë origjinën në Brittany (fr. Breton), në rajonin veriperëndimor të Francës. Krepat janë quajtur fillimisht Galettes, thotë petë ëmbëlsire.
Rreth shekullit të 12-të u prezantua në Brittany,” Buckwheat” një lloj gruri që vinte nga lindja. “Buckwheat” rritej në zona shkëmbore dhe është quajtur “sarrasin” ose ” blé noir ” (gruri i zi) për shkak ngjyrës. “Buckwheat” është një nga bimët e familjes polygonaceae, i cili përfshin gjithashtu ” rhubarb ” dhe lëpjetën.Ky lloj gruri është i pasur me fibra dhe është një burim i shkëlqyer i proteinave bimore i cili ndihmon tretjen e ushqimit dhe përmban të tetë amino acidet bazë. Një anë tjetër pozitive është se nuk përmban gluten.
Krepat me miell të bardhë u shfaqën vetëm në fillim të shekullit të 20, kur çmimi i miellit të bardhë të grurit u bë e përballueshëm. Krepat më miell të bardhë janë aq të hollë si krepat e bërë me miellin nga gruri “buckwheat”, por të butë, si rezultat i përdorimit të përbërësve si veza, qumështi, gjalpi.
Gatimi i Krepave më parë është bërë në fleta të mëdha gize të nxehtë e vendosur mbi një zjarr druri, ndërsa tani ngrohja është me gaz ose energji elektrike. Masa e brumit përhapet me një mjet i njohur si një rozel dhe e kthyer me një shpatull. Në Brittany, krepat dhe Galettes shërbehen me musht.
Për Festën e Candlemas, Festën e Dritës, ” jour des crêpes “, në datën 2 Shkurt ,Franca ka si traditë të shërbejë krepa . Madje në kohën që gatuajnë krepat, ata mbajnë një monedhë në dorën me të cilën shkruajnë dhe tiganin ku gatuhet krepa, në dorën tjetër.Në kohën kur hidhet krepa në ajër dhe pritet me tigan përsëri, besohet se familja do të ketë begati gjithë vitin .
Krepat janë të njohura jo vetëm në të gjithë Francën, por më gjerë në Evropë ku marrin dhe emra të tjerë, “crespelle” në gjuhën italiane,” palacsintas” në gjuhën hungareze, “blintzes” në gjuhën hebreje, “plattars” në gjuhën e vendeve Skandinave,” blini” në gjuhën ruse, dhe “kreps” në gjuhën greke.
Historia e Krepit “Suzette”
Origjina si dhe emri që ka është akoma i diskutueshëm. Një hipotezë është se ajo u krijua nga një gabim i një nga asistent kamerierët, katërmbëdhjetë vjeçar Henri Charpentier në vitin 1895, në Maitre në “Monte Karlo Café de Paris”. Djali ishte duke përgatitur një ëmbëlsirë për Princin e Uellsit, që më vonë do të bëhej mbreti Edward VII në Mbretërisë së Bashkuar(UK). Ndër të ftuarit e tij ishte dhe një vajzë e bukur franceze me emrin Suzette. Kjo histori u tregua nga vetë Charpentier,në librin autobiografik të tij ” Life à la Henri”, edhe pse më vonë u kundërshtua nga Larousse Gastronomique.
“Ndodhi si aksident në kohën që po shërbeja liker pranë paisjes që ngrohte ushqimin e servirur në pjata. Mendova se ushqimi ishte shkatërruar. Princi dhe miqtë e tij ishin duke pritur. Nuk kisha kohë që ta gatuaja nga fillimi. Thjesht e provova. Dhe pikërisht ,kishte një shije të ëmbël e të mrekullueshme. Ishte ajo harmoni shijesh, çfarë i mungonte gatimit tim. Prinici i hëngri petët me një pirun; ndërsa përdori një lugë për të marrë shurupin e mbetur. Ai më pyeti emrin e asaj që ai e kishte ngrënë me aq kënaqësi. Unë i thashë atij se quhej krepa” Princesse”. Princi e mori si një kompliment të projektuar për të; por ai protestoi me egërsi pasi pranë tij ishte ulur një vajzë. Vajza duke parë situatën u ngrit në këmbë dhe duke mbajtur fustanin e saj me duar dhe u përkul para princit . “A dëshironi , – iu drejtua shoqërueses së tij princi , – ti ndryshojmë emrin krepës nga Krepa “Princesse” në Krepa ” Suzette”? Kështu ka lindur dhe është pagëzuar ky lloj krepe. Të nesërmen kam marrë një dhuratë nga Princi, një unazë me gurë të çmuar , një kapelë Panama dhe një shkop mbështetës. “